கலைத்துறையில் ஏற்றம்

2025 ஜூலை 08-ஆம் தேதி முதல் 2025 ஜூலை 14-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

இந்த வாரம் வேலைவாய்ப்புகள் பரவாயில்லை, ஏதாவது ஒரு வேலை இருக்கும். ஆனால் வேலையில் சனி பகவானின் பார்வை காரணமாக பல போராட்டங்கள், பிரச்சனைகள், பதவி உயர்வு கிடைக்காத சூழ்நிலைகள், நீங்கள் உழைக்க மற்றவர்கள் பெயர் வாங்குவதற்கான வாய்ப்புகள் என அனைத்தும் உண்டு. உங்கள் உழைப்பிற்கு பெரிய அளவில் அங்கீகாரம் கிடைக்காது. கலைத்துறையில் இருப்பவர்களுக்கு நல்ல புகழ், ஏற்றம், முன்னேற்றம் உண்டு. நீண்ட நாட்களாக வீட்டில் சுப காரியங்கள் நடைபெறாமல் இருந்தால், இந்த வாரம் நடைபெறும். காதல் வெற்றி பெற்று திருமணம் நடைபெறும். பொருளாதார ரீதியாக எதிர்பாராத பண வரவு மற்றும் பொருள் வரவு உண்டு. நீங்கள் நினைத்த காரியங்கள் இந்த வாரம் நடப்பதற்கான வாய்ப்புகள் உண்டு. வியாபாரம் ஓரளவுக்கு சாதாரணமாகவே இருக்கும். கூட்டுத்தொழிலில் இருப்பவர்களுக்கு பார்ட்னர் லாபம் அடைவார், நீங்கள் நஷ்டம் அடைய வாய்ப்புள்ளது. கையில் பணம் இருந்தால் முதலீடு செய்யுங்கள். உற்பத்தி சார்ந்த துறைகளில் இருப்பவர்களுக்கு லாபம் கிடைக்க வாய்ப்பில்லை, நஷ்டம் ஏற்படலாம். உங்களது மற்றும் தாயின் உடல் ஆரோக்கியத்தில் கவனம் செலுத்துங்கள். யாருக்கும் பணம் கடன் கொடுத்து ஏமாற வேண்டாம். முருகனையும் விநாயகரையும் வழிபடவும்.