உடல் ஆரோக்கியத்தில் கவனம்

2025 ஆகஸ்ட் 26-ஆம் தேதி முதல் 2025 செப்டம்பர் 1-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

இந்த வாரம் உங்கள் ராசியை குரு, சுக்கிரன் மற்றும் சனி பார்ப்பதால், நீங்கள் எடுக்கும் முயற்சிகள் அனைத்தும் வெற்றி பெறும். உங்கள் வேலை, தொழில் எதுவாக இருந்தாலும், முயற்சி செய்தால் வெற்றி நிச்சயம். எதிர்காலத்திற்கான தேடுதல் அதிகமாக இருக்கும். உறவுகளை பேணிக்காப்பது அவசியம் இல்லையெனினும் பிரச்சனைகள் நேரிடலாம். எதிர்பாராத பயணம் ஏற்படும், அது உங்களுக்கு நன்மை தரும். சொந்த தொழில் செய்பவர்களுக்கு சுமாரான லாபம் கிடைக்கும். கூட்டாளிகளால் லாபம் கிடைக்கும். திருமணம் தள்ளிப்போனவர்களுக்கு திருமணம் அல்லது அதற்கான பேச்சுவார்த்தைகள் நடக்கும். உங்கள் அந்தஸ்து, புகழ் பாதிக்கப்பட வாய்ப்புள்ளதால், எச்சரிக்கையாக இருங்கள். வேலைவாய்ப்பைப் பொறுத்தவரை, வேலை நிச்சயம் உண்டு. வயது காரணமாக வேலை கிடைக்காது என்று நினைப்பவர்களுக்கும் நல்ல வேலை கிடைக்கும். கடன் வாங்குவதைத் தவிர்க்கவும். நல்ல வேலையாட்கள் கிடைப்பார்கள். உயர்கல்வியில் கவனம் செலுத்துங்கள். தந்தை மற்றும் உங்கள் உடல் ஆரோக்கியத்தில் கவனம் தேவை. இந்த வாரம் சிவபெருமானையும் பெருமாளையும் வழிபடுங்கள்.