பொறுமை அவசியம்

2025 செப்டம்பர் 09-ஆம் தேதி முதல் 2025 செப்டம்பர் 15-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

இந்த வாரம் நீங்கள் கவனமாக இருக்க வேண்டும். உங்கள் எட்டாம் இடத்தில் சூரியன், புதன், சுக்கிரன் மற்றும் ஏழாம் இடத்தில் குரு இருப்பதால், நோய் எதிர்ப்பு சக்தி குறைவாக இருக்கும். பழைய கடனை அடைக்க, புதிய கடன் வாங்க வேண்டிய சூழ்நிலைகள் ஏற்படலாம். உடல் ரீதியான வலிகள், துன்பங்கள் இருக்கலாம். தொழில் மற்றும் திருமண வாழ்க்கையில் திருப்தியற்ற சூழ்நிலை இருக்கும். அனைத்து விஷயங்களிலும் பொறுமை, நிதானம் அவசியம். அரசின் மூலம் பிரச்சனைகள் ஏற்படலாம். கடன் இருந்தால், அது அடைவதற்கான வாய்ப்பு உண்டு. உங்கள் முயற்சி ஸ்தானத்தில் ராகு குருவுடன் இருப்பதால், உங்கள் முயற்சிகள் வெற்றி பெறுவது போல் தோன்றினாலும், தடைகள் ஏற்படும். உங்கள் வேலை விஷயத்தில், சேவைக்குரிய சுக்கிரன் எட்டாம் இடத்தில் இருக்கிறார், சேவை ஸ்தானத்தை சனி பார்க்கிறார். எனவே, வேலை தேடுபவர்களுக்கு வேலை கிடைக்கும். வேலையை விட்டு வெளியேற்றப்பட்டவர்களும் முயற்சி செய்தால் நல்ல வேலை கிடைக்கும். வயது முதிர்ந்தவர்களும் முயற்சி செய்யலாம். ஆனால், வேலையில் நிறைய போராட்டங்கள் இருக்கும். மகிழ்ச்சியாக வேலை செய்ய முடியாத சூழ்நிலை இருக்கும். ஆண் நண்பர்கள் மூலம் உங்கள் வாழ்க்கையில் முன்னேற்றம் ஏற்படும். தேவையற்ற சிந்தனைகளைத் தவிர்க்கவும். சமூக ஊடகங்களைப் பயன்படுத்த வாய்ப்புள்ளது. உங்களை மேம்படுத்திக்கொள்ளவும், புதுப்பித்துக் கொள்ளவும் சூழ்நிலைகள் உருவாகும். நிறைய கற்றுக் கொள்ளவும், சம்பாதிக்கவும் வாய்ப்புகள் உண்டு. மகாலட்சுமி மற்றும் பிரம்மாவை இந்த வாரம் வழிபாடு செய்வது நல்லது.