எதிர்பார்ப்பு நிறைவேறும்

2025 ஆகஸ்ட் 12-ஆம் தேதி முதல் 2025 ஆகஸ்ட் 18-ஆம் தேதி வரையிலான ராசிபலன். கணித்து வழங்குபவர் ஜோதிட இமயம் அபிராமி சேகர்.

இந்த வாரம் பணப்புழக்கம் நன்றாக இருக்கும். பேச்சால் வருமானம் ஈட்டுபவர்களுக்கு நல்ல லாபம் கிடைக்கும். நீங்கள் எடுக்கும் முயற்சிகள் அனைத்தும் வெற்றி பெறும். உங்கள் எண்ணங்கள் செயல் வடிவம் பெறும். நீங்கள் எதிர்பார்த்த செய்திகள் சாதகமாக வரும். பிரிந்த உறவுகள் மீண்டும் சேரும் வாய்ப்பு உண்டு. நீங்கள் நம்பியவர்கள் இந்த வாரம் நேர்மையாக நடந்து கொள்வார்கள். வாழ்வில் எதிர்பாராத நன்மைகள் உண்டாகும். உங்கள் இலக்குகளை அடைவதற்கான திட்டங்களை இந்த வாரம் வகுப்பது நல்லது. புதிய காதல் உறவுகள் உருவாகும் வாய்ப்பு உண்டு. ஏற்கனவே காதலில் இருப்பவர்களுக்கு உறவு வெற்றி பெறும். எதிர்பாராத பயணங்கள், பொழுதுபோக்கு நிகழ்ச்சிகளில் பங்கேற்கும் வாய்ப்புகளும் அமையும். யூக வணிகம் அதாவது ரேஸ், லாட்டரி, ஆன்லைன் டிரேடிங் போன்றவைகள் மூலம் ஓரளவு லாபம் கிடைக்கும். இருப்பினும், பெரிய அளவில் கடன் வாங்கி முதலீடு செய்வதை தவிர்க்கவும். உத்தியோகத்தில் நல்ல கவனம் செலுத்துங்கள். பதவி உயர்வு மற்றும் நிதி ஆதாயங்களுக்கான வாய்ப்புகள் அதிகம். இந்த வாரம் விநாயகரையும், நரசிம்மரையும் வழிபடுவது உங்கள் வாழ்க்கையை மேம்படுத்தும்.